Հունվար 9
9.00-9.30 – Ընդհանուր պարապմունք
9.30-12.30 – Աշխատանք նախագծային խմբերով
9:30- Անհատական պլանների լրացում
09.50-11:00 -Աշխատանքներ ագարակում — ,, Կենդանասերի ակումբ,
11.00-12.30- Ընտրությամբ գործունեություն
12.30-13.00 – Ընդմիջում
13.00-14.00-Օրվա ամփոփում, նյութերի հրապարակում
14։15-14։45՝ Երաժշտության պարապմունք դասավանդողների համար
Այսօր շատ բուռն օր էր: Մենք մեր բուռն օրը սկսեցինք ընդհանուր պարապմունքով, որը անցկացրեցինք Ջավաղքից եկած մեր հյուրերի հետ: Դրանից հետո գնացինք դասարան, հագնվեցինք և դեպի ագարակ: Շատ ուրախ էինք, և բարձր տրամադրությամբ: Մեզ դիմավորեց 5 ամյա Ջենին (ձին): Մենք նրան հաճույքով սիրում էինք, զույգ զույգ մտնելով ցանկապատից ներս՝ վերցնում էինք ձիերի համար նախատեսված հատուկ սանրերը և սանրելով՝ մաքրում էինք իր հիասքանչ մորթին: Երբ արդեն Ջենին հոգնեց՝ մենք նրան հանգիստ թողեցինք: Մեզ մոտ բերեցին Տարզանին: Նա այնքան փափուկն էր, լավը և նաև խելացի: Ցանկացողները բռնում էին նրա վզի շղթան, և տանում նրան պտտեցնում, բերում: Տարզանը ոչ բոլորին էր լսում: Օրինակ՝ սկզբում նա էր ինձ տանում (ինչպես ասում էր ինձ իր տերը), քաշելով այս կողմ-այն կողմ: Հետո նրա տերը ինձ ասաց, որ պետք է մեջկս անպայման ուղիղ պահեմ և ուղիղ գնամ իմ ճանապարհով և նա կգա իմ ետևից,այդպես արեցի և նա ինձ սկսեց լսել , ես նրան և հասցրեցի իր տիրոջ մոտ: Հետո երբ վերադարձանք մեր դպրոց՝ ճաշեցինք և Տիկին Մարիետի հետ գնացինք մի շատ հետաքրքիր ներկայացման փորձին, թե ի՞նչ ներկայացումէ կիմանաք մի քանի օր անց: Ասեմ, որ փորձը շա՜տ լավ անցավ: Հա՛մ փորձ էինք անում, հա՛մ ծիծաղում և ուրախանում, ևս մի ուրախ օր: Տուն եկա և մայրիկիս հետ շտապեցինք Սունդուկյանի ազգային թատրոն՝ դիտելու (Սառցե սիրտը ) ներկայացումը: Ներկայացումից մեծ բավականություն ստացած՝ վերջապես տուն հասանք: Այս օրս էլ անցավ հետաքրքիր:
Ջանիկյան Արթենի 